إليكم ما حدث في 6 إبريل 2008 يوم الخونه وليس الإضراب

اختلف معك يلكابتن

انا مستعجب انت عايش فى البلد ديه ولا ايه بالضبط انا مستغرب من كلامك ده مع كل ما يعانيه الشعب من ذل وضرب بالجزم وغلو فى الاسعار والحكومة مش سئله فيهم ياراجل هوه فين رئيس الجمهورية الى انت زعلان عشانة عمل ايه عمل ايهههههههههههههههههههههههههه ياراجل اخرها ذود العلاوات 30% وطلعت الحكومة لمتهم منا عن طريق زيادة اسعار الوقود مما ادى الى زيادة الاسعار كلها مرة اخره امال الغلابة يعملوا ايه هما مش لقيين موارد لل30% دول الا جيوب الناس البسطاء والرئيس بيتفرج كا العادة الناس بتموت كل يوم من غلو الاسعار وتطلع الحكومة البجحه لتقول ان كل شىء تمام وبعدين هوه ايه معنى ان الرئيس داير على الدول كلها حسب ما انا فهمت من كلامك عشان ياكل شعبه انت يابنى منيين رئيس ايه الى داير ده انت عارف حجم الفلوس الى بتتسرق من الميزانية قد ايه يارجل دول ياكلو الشعب المصرى 100% يارجل اخر ماطلعت علينا الاخبار انا وزير البترول اكتشف جبل من الذهب فى منطقة السكرى عارف حجمه اد ايه وممكن يجيب فلوس اد ايه تخيل جبل احتياطى الاوقية فية حوالى 30 مليون وقية والذهب الان سعره حوالى الف وشوية فكه دولار يعنى بالميت وهذا ليس كلامى هذا كلام وزير البترول قال حوالى 13 مليار دولار وعلى فكرة منطقة السكرى الوزارة بستخرج منها الذهب منذ فتره كبيرة ولم يقولو اين يذهب هذا الذهب ولسه الناس تعبانه على طوابير العاش الى هيا مش غريبه عليك طبعا ولسه الناس بتموت من الغلاء فى كل شىء هل تعرف ان الحكومة عندها خطة لالغاء الدعم حتى على التعليم يارجحل يعنى ولا اكل عارفين ناكل الى هوه ابسط شىء ولا لبس ولا مواصلات ولا شغل ولا جواز ولا عيش والى عيشنها .

وختام لكلامى انا مش مع الناس الى كسروا فى المحلة بس هذا نتيجة اهمال مشاكل الناس وعدم الاستماع اليها انا على فكرة كنت عايش فى الملحة فى مرحلة من عمرى وبالتحديد وانا صغير وكانت بلد جميلة اما الان ومتزعلش منى البلد بقت زريبه وليس من الناس ولكن لااهمال الحكومة لها برئاسة الرجل الذى تدافع عنه الذى حول قلعة صناعة النيسج فى مصر فى يوم من الايام الى حطام بلد والسلام ختام ياراجل ياطيب وان مش بهاجم حد انا بقول واقع لازم تفتح عينيك عليه وارجوا ان تكون فتحت وشكراااااااااااا.